Jumat kemaren, tepatnye tanggal 29 Juli; tempat kerja aye bikin pesta lagi. Temanye "malem Betawi". Itu tema diambil dalam rangka ulang tahun kota Jakarta, yaahh paling enggak bau baunye dehhh. Maklum, udah klewat Juni soalnye.
Lumayan meriah juga sih. Pake aneka masakan Betawi yang ane brosing dari internet, ame nanya nanya si enyak dahhh. Untung enyak masih inget juga beberapa masakan Betawi warisan enyaknye lagi alias nenek gw. Banyak tamu aye bilang masakannye enak enak...wahhh Alhamdu dehhh kalo begitu!!!!
Buat menu aye bikin selengkapnye adalah:
Rujak Buah
Gado gado
Aneka kerupuk, peyek, rengginang
Soto Betawi, lengkap ame acar, sambel dan empingnye
Sayur Asem, buat para vegetarian yang kagak makan daging
Nasi Uduk, sumpeh ini nasi uduknye enak benerrr (selamet buat pak Iyan dan team)
Sayur Besan, cuman kagak pake terubuk. Gantinye pake labu siem aje. Supplier kagak becus
Gabus Pucung, laris manis. Sayangnye supplier gw tetep kagak becus bedain Gabus ama Kakap!!
Sambel goreng Kulit Mlinjo, jujur aje sihhh...tetep enakan enyak gw yang bikinn..
Sate Asem, ludesss desss!!!
Ayam Goreng, ini si biasaa.. cuma bumbunya yang luar biasaaa...
Pecak Gurame, ini juga banyak yang doyan.
Aneka kue kuean, kayak Akar Kelapa, Kembang Goyang, Kue Satu, Wajik, Geplak, Dongkal, Sagon, Dodol Duren, Kue Abuk, Lepet. Ternyataaa.... tamu gw banyak yang suka, cuyy!!
Gak lupa juga gw tambahin ama buah khas Betawi, pisang ame salak.
Trus kite juga nyediain Bir Pletok. Walopun agak ribet nyari kayu secangnye. Tapi hasil tuh Bir Pletok lumayan enak jugaaaa...
Selain masakan yang kite bikin ndiri, ade juga beberapa tukang jualan yang kite tanggep suruh jualan di rume kite. Ada tukang Toge Goreng, Asinan ama Mi Juhi, Kue Ranggi, Es Cincau Ijo, Es Selendang mayang, Kue Cubit, dan yang pasti kagak bakalan kelupaan...kerak telor!!
Musiknye juga kite nanggep gambang kromong ama tari tarian Betawi. Pokoknya pas banget dah tuh malem jadi malem Betawi yang meriah. Udah acanya juga di pinggir kolem lagi. Pantesin, tamu kite kali ini banyak yang mampir. Bejubel. Gw ampe takut die orang pada nyemplung ke kolam.
Supaya lebih afdol, ini gw kasiliat foto fotonye ye..
